सांगली–
प्रखर राष्ट्रभक्त, प्रखर हिंदुत्वनिष्ठ ही ओळख असण्यासमवेत सामान्यातील सामान्य कार्यकर्त्याला आमदार, खासदार बनवणारा एकमेव नेता म्हणजे हिंदुहृदयसम्राट बाळासाहेब ठाकरे होय ! बाळासाहेबांचे विचार आजही मराठी माणूस आणि हिंदूंना प्रेरणा देतात. नेताजी सुभाषचंद्र बोस यांनी देशासाठी केलेले कार्य अतुलनीय होय. त्यांच्यामुळे तरुणांना क्रांतीची नवी दिशा मिळाली, असे मनोगत शिवप्रतापभूमी मुक्ती आंदोलनाचे निमंत्रक आणि माजी आमदार श्री. नितीन शिंदे यांनी केले. ते स्वातंत्रसेनानी नेताजी सुभाषचंद्र बोस आणि शिवसेनाप्रमुख बाळासाहेब ठाकरे यांच्या जयंतीच्या निमित्ताने आयोजित कार्यक्रमात बोलत होते.
या वेळी हिंदु एकता आंदोलनाचे श्री. नारायणराव कदम, तसेच व्यंगचित्रकार श्री. गणेश काटकर यांचा सन्मान करण्यात आला. या प्रसंगी श्री. पंडितराव बोराडे, सर्वश्री स्वप्नील कुंभोजकर, महिला आघाडीच्या सुनिता इनामदार यांसह अन्य उपस्थित होते.
Post a Comment