तुरीच्या गंजीला आग लागुन ३ लाखांचे नुकसान दिघी (कोल्हे) येथील घटना

चांदुर रेल्वे - (शहेजाद खाण )-

तालुक्यातील दिघी (कोल्हे) येथील एका शेतकऱ्याच्या तुरीच्या गंजीला आग लागुन अंदाजे ३ लाखांचे नुकसान झाल्याची घटना सोमवारी दुुपारी १२.३० वाजताच्या दरम्यान घडली.
       प्राप्तमाहितीनुसार, येथुन जवळच असलेल्या दिघी (कोल्हे) येथील शेतकरी प्रकाश देविदासपंत नांदुरकर (वय- ६७) यांचे २० एकर शेत गावाजवळच आहे. शेतात तुर सोंगुन १३००-१४०० पेंडीची गंजी लावली होती. यामधुन त्यांना ५०-५५ पोते तुर होण्याची शक्यता होती. अशातच सोमवारी दुपारी १२.३० च्या दरम्यान शेतात वानरांचा त्रास होत होता. वानरे  हकलविण्याकरीता आंब्याच्या झाडाच्या बाजुला एक फटाका लावला असता याच फटाक्यातुन अनावधाने तुरीच्या गंजीला आग लागली. आग लागताच चांदुर रेल्वे नगर परीषदेच्या अग्निशमन दलाच्या गाडीला पाचारण करण्यात आले. मात्र यामध्ये तुरीची गंजी पुर्णत: जळुन खाक झाली. या आगीत शेतकऱ्याचे जवळपास ३ लाखांचे नुकसान झाले आहे. शासनाच्यावतीने नुकसान भरपाईची मागणी प्रकाश नांदुरकर यांनी केली आहे.

प्रहारचा शिवसेनेला तिनही सर्कलमध्ये जाहीर पाठींबा जि.प. निवडणुक रणधुमाळी

चांदुर रेल्वे - (शहेजाद खाण )-

स्थानिक प्रहार संघटनेने जिल्हा परिषद निवडणुकीकरीता तालुक्यातील घुईखेड, आमला व पळसखेड या तीनही सर्कलसाठी शिवसेनेला जाहिर पाठिंबा दिला आहे.
         भाजप- शिवसेनेची युती न झाल्यामुळे सगळीकडे शिवसेना स्वबळावर लढत आहे. अशातच तालुक्यातील तीनही सर्कलमध्ये शिवसेनेने आपले उमेदवार उभे केल्यानंतर स्थानिक प्रहार संघटनेने जाहीर पाठींबा दिला आहे. या पाठिंब्याचे पत्र प्रहार संघटनेचे तालुका प्रमुख सौरभ इंगळे यांनी शिवसेनेचे उपतालुका प्रमुख बंडु आंबटकर यांना दिले.  यावेळी प्रहारचे शहर प्रमुख प्रदीप नाइक, शिवसेनेच्या आमला सर्कलच्या उमेदवार आशाताई भोंगे, स्वप्निल मानकर, नरेन्द्र भोंगे, देवदत्त देवळे, रामराव वरखडे, अभिलाष केने, कौस्तुभ खेरडे, ज्ञानेश्वर पवार आदि शिवसैनिकांसह प्रहारचे कार्यकर्तेही प्रामुख्याने उपस्थित होते.