मोर्शी (अमरावती) :-
अमरावती जिल्ह्याचे पोलीस अधीक्षक लखमी गौतम व अपर पोलीस अधीक्षक एम.एम.मकानदार यांच्या नेतृत्वात अमरावती ग्रामीण पोलीस दलातर्फे पोलीस कल्याण सहायता निधीकरिता मराठी सिनेअभिनेत्री प्रज्ञा जाधव व मेघा गाडगे यांच्यासह लोकप्रिय रंगमंच “सेव्हन कलर्स” कार्यक्रमाचे आयोजन शुक्रवार दि. २१ एप्रिल २०१७ रोजी सायंकाळी ६.३० वाजता मोर्शी येथील श्री.शिवाजी उच्च माध्यमिक हायस्कुल मैदानावर आयोजित करण्यात आले होते. या कार्यक्रमाचे उदघाटन मोर्शी विधानसभा मतदार संघाचे आमदार डॉ.अनिल बोंडे यांच्या हस्ते पार पडले. यावेळी उपविभागीय पोलीस अधिकारी दिलदार तळवी, मोर्शीचे पोलीस निरीक्षक नंदकिशोर शर्मा, वरुडचे पोलीस निरीक्षक गौरख दिवे, बेनोड्याचे पोलीस निरीक्षक शांतीकुमार पाटील, शेंदूरजना घाटचे पोलीस निरीक्षक शेषेराव नितनवरे, शिरखेडचे पोलीस निरीक्षक नितीन चव्हाण यांच्यासह संपूर्ण मोर्शी – वरुड तालुक्यातील पोलीस प्रशासनाचे अधिकारी – कर्मचारी मोठ्या संख्येने उपस्थित होते. मराठी सिनेअभिनेत्री प्रज्ञा जाधव व मेघा गाडगे यांच्या लोकप्रिय रंगमंच “सेव्हन कलर्स” या कार्यक्रमाला पाहण्यासाठी वरुड - मोर्शीकरांनी प्रतिसाद देत मैदानावर एकच गर्दी केली होती.*
 :- अमरावती जिल्ह्याचे पोलीस अधीक्षक लखमी गौतम व अपर पोलीस अधीक्षक एम.एम.मकानदार यांच्या नेतृत्वात अमरावती ग्राम...){kind=link}
Post a Comment