चंद्रपूर / प्रवीण गोंगले /-
चंद्रपूर शहर आणि जिल्ह्यात पोलिस यंत्रणेला आव्हान देणा-या चो-या आणि
घरफोडीसत्राने नागरिक धास्तावले आहेत. ताज्या घटनेत
शहरातील विवेकानंदनगर या वडगाव परिसरातील उच्चभ्रू वस्तीत उद्योजक नवीन
मित्तल यांच्या घरी चोरट्यांनी डाव साधत सुमारे १२ लाखांचा
मोल्यवान ऐवज लंपास केला. हादरलेल्या यंत्रणेने आरोपींच्या शोधासाठी तपास
गतिमान केला आहे.
------------------------------
चंद्रपूर शहरातील उच्चभ्रु वस्तीतील वडगावच्या विवेकानंदनगर भागात वास्तव्याला असलेल्या उद्योजक नवीन मित्तल यांच्या घरी झालेल्या धाडसी घरफोडीने पोलिस यंत्रणा हादरली आहे. ३ जून च्या संध्याकाळी मित्तल कुटुंबीय काही कामानिमित्त नागपुरला गेले होते. दरम्यान हे घर कुलुपबंद स्थितीत होते. ५ च्या संध्याकाळी नागपुरातून परतल्यावर मित्तल कुटुंबियाना घराचे दार तुटलेल्या वस्थेत तर घरातील सामान अस्ताव्यस्त स्थितीत असल्याचे आढळून आले. त्यांनी या प्रकारची तक्रार रामनगर पोलिसांकडे केली. पोलिसांनी तातडीने घटनास्थळी पोचत तपास सुरु केला आहे. दरम्यान दरवेळेस बाहेरगावी जात असताना मित्तल कुटुंबीय सुरक्षारक्षक ठेवून जात होते मात्र यावेळेस त्यांनी सुरक्षारक्षक ठेवला नाही. या घरफोडीत चोरट्यांनी सुमारे १२ लाखांचा ऐवज लंपास केल्याची माहिती घरमालक नवीन मित्तल यांनी दिली आहे. यात सोन्या-चांदीचे आणि रोख रकमेचा समावेश असल्याचेही त्यांनी सांगितले आहे.
गेले काही महिने चंद्रपूर शहरात चो-या आणि घरफोड्यांना उत आला आहे. मात्र या कोणत्याही घटनांतील आरोपी अद्याप जेरबंद झालेले नाहीत. अशातच वडगाव भागात झालेल्या या ताज्या घटनेने पोलिस दलाच्या कार्यक्षमतेवर प्रश्नचिन्ह उभे झाले आहे.
Post a Comment