मोईन खान /
परभणी :-
शेतकरी आत्महत्या प्रकरणांसंदर्भात जिल्हास्तरीय समितीची बैठक जिल्हाधिकारी कार्यालयात निवासी उपजिल्हाधिकारी अभिमन्यू बोधवड यांच्या अध्यक्षतेखाली झाली. संबंधित विभागांचे अधिकारी यावेळी उपस्थित होते. यावेळी 1 प्रकरण मदतीस पात्र ठरले, 1 प्रकरण प्रलंबित आहे. तालुका समितीने यासंदर्भातील अहवाल त्वरित पाठवावेत असे निर्देशही देण्यात आले आहेत. शेतकरी आत्महत्या संदर्भातील प्रकरणे अत्यंत संवेदनशिलपणे हाताळणे आवश्यक असून आत्महत्या केलेल्या शेतक-यांच्या कुटुंबियांना त्वरीत मदत मिळावी यासाठी प्रशासकीय पातळीवर प्रकरणाशी निगडीत बाबींची पूर्तता त्वरीत करण्यात यावी. शेतकरी आत्महत्या थांबाव्यात, शेतक-यांना नैराश्यातून बाहेर काढण्यासाठी तसेच त्यांच्यामध्ये आत्मविश्वास निर्माण व्हावा या उद्देशाने गावपातळीवर समाजप्रबोधनाचे विशेष कार्यक्रम राबविण्याचे निर्देशही यावेळी देण्यात आले.
Post a Comment