धारवाड - अंधश्रद्धा निर्मूलन समितीचे डॉ. नरेंद्र दाभोलकर तसेच
कॉ. गोविंद पानसरे यांच्या हत्येच्या प्रकरणी अटक करण्यात आलेल्या
सनातनच्या साधकांची सुटका करण्यात यावी आणि सनातन संस्थेच्या विरोधात
होणारा अपप्रचार थांबवावा, यासाठी श्रीराम सेनेचे संस्थापक अध्यक्ष श्री.
प्रमोद मुतालिक यांच्या नेतृत्वाखाली ३० ऑगस्ट या दिवशी येथे हिंदुत्वनिष्ठ
संघटनांनी मोर्चा काढून जिल्हाधिकार्‍यांना निवेदन दिले. या मोर्च्याात
श्रीराम सेना, सनातन संस्था आणि हिंदु जनजागृती समिती आदी हिंदुत्वनिष्ठ
संघटनांचे कार्यकर्ते सहभागी झाले होते. या वेळी श्री. प्रमोद मुतालिक
म्हणाले, सनातन संस्थेवर खोटे आरोप करण्यात येत असून हिंदु संघटनांची
प्रतिमा मलीन करण्याचा पुरो(अधो)गाम्यांचा हा डाव आहे. श्रीराम सेनेचे संघटक श्री. गंगाधर कुलकर्णी म्हणाले, भारतात चांगले कार्य करणार्‍या संघटनांना दाबून टाकण्याचे षड्यंत्र चालू आहे. सनातन संस्था श्रेष्ठ कार्य करत असतांनाही तिच्यावर विनाकारण आरोप करण्यात येत आहेत. सनातन संस्थेकडे वक्र दृष्टीने पाहू नका. यापुढे मोठे आंदोलन करण्यात येईल. हिंदु जनजागृती समितीचे श्री. गुरुप्रसाद म्हणाले, सनातन संस्थेची मानहानी करण्यासाठी संस्थेवर खोटेनाटे आरोप केले जात आहेत, याचा धारवाड जिल्ह्यातील समस्त हिंदुत्ववादी संघटना तीव्र निषेध करत आहोत.
Post a Comment