गौतम आणि गौरीच्या लग्नाला यायचं हं...'झी युवा'वर ' मुंबई पुणे मुंबई २'ची खास पर्वणी...

अनिल चौधरी /पुणे /--

 

गौतम आणि गौरीच्या लग्नाला यायचं हं असे शब्द वाचून हे गौतम आणि गौरी कोण असा प्रश्न तुम्हाला नक्कीचपडला असेल... हा धागा जोडला आहे मुंबई पुणे मुंबई या एव्हरग्रीन सिनेमाशी. अर्थात त्यात तिचे नाव मिस मुंबईआणि त्याचे नाव मिस्टर हृदयमर्दने असे असल्यामुळे दोघांचे खरेखुरे नाव गुलदस्त्याच होते. मुंबई पुणे मुंबई हा

सिनेमा संपतासंपता या दोघांची एकमेकांच्या प्रेमाला होकार दिल्यामुळे अर्थातच लग्नाच्या पत्रिकेत गौतम आणिगौरी ही नावं दिसणार आहेत. सिनेमाच्या पहिल्या भागात जुळलेली लव्ह केमिस्ट्री आता लग्नाचे रूप घेणार आहे.त्यामुळे गौतमगौरीच्या लग्नाचे खास आमंत्रण दोन्हीकडच्या कुटुंबीयांनी मराठी रसिकांना दिले आहे. गौतम आणिगौरीच्या हटके प्रेमाचे साक्षीदार असलेल्या रसिकांना या दोघांना आयुष्याचे जोडीदार होताना पाहण्याची संधीमिळणार आहे. नवे पर्व युवा सर्व असे ब्रीदवाक्य घेऊन लाँच झालेल्या झी युवा या वाहिनीवर  २५ सप्टेंबर रोजीदुपारी १ वाजता आणि सायंकाळी ७ वाजता या सिनेमाचा वर्ल्ड प्रिमियर होत आहे.  गेल्या वर्षी  ऐन दिवाळीत झळकलेल्या " मुंबई पुणे मुंबई २... लग्नाला यायचं हं या सिनेमात स्वप्नील जोशी , मुक्ताबर्वे, प्रशांत  दामले, विजय केंकरे, मंगल केंकरे, सविता प्रभुणे, श्रुती मराठे, आसावरी जोशी, आनंद म्हसकर, सुहासजोशी अशी एकापेक्षा एक सकस कलाकारांची फौज होती. या कलाकारांचा जबरदस्त अभिनय आणि सतीश राजवाडेयांचे उत्तम दिग्दर्शन असलेल्या या चित्रपटाने प्रेम, लग्न आणि नात्यातील भावबंध यांचा अचूक समेळ घडवला. पहिला मुंबई पुणे मुंबई या सिनेमात दिसणाऱ्या  मुक्ता आणि स्वप्नील यांनी फ्रेश अभिनयातून एकही फ्रेमकंटाळवाणी केली नाही. दोन भिन्न स्वभावाच्या व्यक्ती एकत्र भेटतात आणि शेवटी प्रेमात पडतात. मुंबई-पुणे-मुंबईसिनेमा हळूवार सुरू होतो आणि शेवटी तितक्याच हळूवार वळणावर पुढचं पाऊल टाकतो. स्वप्नील आणि मुक्तालाप्रेक्षकांची पसंती मिळाली आणि प्रेक्षकांना त्या दोघांना पुन्हा पहायचे होते. त्यामुळे या सिनेमाच्या दुसऱ्या भागातपुणेमुंबई अशी ओळख सांगणाऱ्या लव्हबर्डसचा सहजीवनाचा रोमँटिक प्रवास आणि दोघांच्या लग्नाचा सोहळादिसणार असल्यामुळे फुल टू फॅमिली ड्रामाही पहायला मिळणार आहे. प्रेमातली पुढची पायरी म्हणजे लग्न आणि लग्न ठरल्यावर ते लग्न होईपर्यंत दोघांच्या भावनाविश्वात किती बदलघडतात. रोमान्सच्या शिवाय आयुष्यात भरले जाणारे इतर अनेक रंग त्यांना आपलं आयुष्य आता पूर्णपणे बदलूनजाणार ह्याची जाणीव देत असतात. आणि मग फक्त दोन शहरांमधलंच नाही तर नात्यांमधलंही अंतर कधी कमीकधी जास्त वाटू लागतं हे या सिनेमात अनुभवता येणार आहे. शिवाय नाही नाही म्हणत गौतमला होकार देणाऱ्यागौरीच्या मनातील भावनिक कप्पाही या सिनेमात रसिकांना पाहता येणार आहे. स्वप्नील आणि मुक्ताने पुन्हा एकदा भन्नाट अभिनय केलाय. पहिल्या भागातील काही संदर्भ, गौतम आणि गौरीच्यापूर्वायुष्यातील काही व्यक्ती त्यांच्या नव्या आयुष्यात येणार असल्यामुळे सिनेमाचा फ्लेवर हटके झाला आहे. हाचित्रपट हसवतो, चित्रपट रडवतो, क्लायमॅक्सला अशी काही उंची गाठतो की पुन्हा पुन्हा पाहावे आणि पुन्हा पुन्हाडोळ्यात पाणी यावे. खऱ्या प्रेमाची कधी ट्रॅजेडी होऊ शकत नाही हे सांगणाऱ्या या सिनेमाच्या निमित्ताने तरूणाईच्याकाळजाचा ठोका अचूक पकडला आहे

Share this: