सातेफळ फाट्यावर घडली घटना
 |
| अपघात ग्रस्त मोटार सायकल |
चांदूर रेल्वेः/शहेजाद खान /--
चांदूर रेल्वे ते वर्धा रस्त्यावर सातेफळ फाट्यावर उभा असलेल्या ट्रकला(एमएच ३१ अ‍ेपी ७०३४) मोटर सायकलने (एमएच २७ बिटी ०५८६) धडक दिल्याची घटना सोमवारच्या रात्री नऊ वाजता घडली. या जोरदार धडकेत एक जागीच ठार झाला तर दुसऱ्याचा उपचार दरम्यान मृत्यु झाला.
प्राप्त माहितीनुसार कळमगाव येथील रहिवाशी प्रफुल्ल अजाबराव खोडे (वय ३२) व सुरेश सदाशिव गजभिये (वय ३२) हे सोमवारी रात्री कामानिमित्त बागापुरला होंडा ड्रिम युगा या मोटर सायकलने निघाले. सातेफळ फाट्याजवळ उभा असलेल्या ट्रकवर जाऊन धडकले. यामध्ये प्रफुल अजाबराव खोडे चा जागीच मृत्यु झाला. तर गंभीर जखमी सुरेश गजभिये याला जिल्हा सामान्य रूग्णालयात भरती केले. मात्र उपचार दरम्यान सुरेश गजभिये यांचा मृत्यु झाला. दोघेही विवाहीत असुन प्रफुल खोडे याच्या पश्चात आई वडिल, पत्नी व दोन लहान मुलगी, मुलगा आहे. सुरेश गजभिये यांच्या पश्चात आईवडिल, पत्नी, तीन लहान मुली व मुलगा आहे. या अपघात दोन तरूण शेतकऱ्याचा मृत्यु झाल्याने कळमगावात शोककळा पसरली आहे.
Post a Comment