जिल्हा प्रतिनिधि / महेन्द्र महाजन जैन -
रिसोड शहरात रामनवमी निमित्त भव्य मिरवणुकीचे आयोजन मंगळवार दि.४ एप्रिल ला सायंकाळी ५ ते रात्री १० यावेळेत रामनवमी उत्सव समितीच्या वतीने करण्यात आले आहे. शहरात श्रीराम जयंती सार्वजनिक स्तरावर साजरी करण्याचे हे दुसरे वर्ष आहे शहरातील रामभक्त तरुणांनी समिती गठीत करून शांततेच्या व संविधानिक मार्गाने मिरवणूक काढण्याचे निश्चित केले आहे. शहरातील सद्भावना कायम राहण्यासाठी सर्व जाती धर्मातील लोकांना मिरवणूक उत्सवात सामील होण्याचे निमंत्रण विविध सामाजिक,धार्मिक ,व्यापारी व व्यावसायिक संघटनांना उत्सव समिती मधील युवकांकडून देण्यात येणार आहे.मंगळवारी शिवाजी चौकात सायंकाळी ५ वाजता महाआरती घेऊन मिरवणुकीला सुरवात होणार आहे सराफ गल्ली, चांदणी चौक,अष्टभुजा देवी चौक,अप्पास्वामी गल्ली या पालखी मार्गाने मिरवणुकीचे प्रस्थान होणार आहे या सर्व मार्गावरील नागरिकांनी आपल्या अंगणात रांगोळी काढून व फुलांचा वर्षाव करून प्रभू रामचंद्राच्या मिरवणूक सोहळ्यात सक्रिय सहभाग घेण्याचे आवाहन रामनवमी मिरवणूक उत्सव समितीच्या सदस्यांनी केले आहे.
Post a Comment