श्री. प्रवीण पोटे-पाटील (उजवीकडे) यांना
सनातन पंचांग भेट देतांना श्री. श्रीकांत पिसोळकर
|
नागपूर - भिवंडी येथील महानगरपालिकेच्या इदगाह पशूवधगृहाला ‘महाराष्ट्र प्रदूषण नियंत्रण मंडळा’ची अनुमती नसतांना तो अवैधपणे चालू करण्यात आला होता. या विरोधात ‘राष्ट्रीय हरित लवाद, पुणे’ या न्यायप्राधिकरणाने महाराष्ट्र प्रदूषण नियंत्रण मंडळाच्या स्थानिक अधिकार्‍याला निलंबित करून सदर पशूवधगृह बंद करण्याचे निर्देश दिले आहेत. ते अवैध पशूवधगृह चालवून जनतेच्या आरोग्याशी खेळणार्‍या भिवंडी महानगरपालिकेचे अधिकारी आणि पशूवधगृहाकडे दुर्लक्ष करणारे महाराष्ट्र प्रदूषण नियंत्रण मंडळाच्या उत्तरदायी स्थानिक अधिकारी यांच्यावर गुन्हे प्रविष्ट करून त्यांच्यावर कारवाई करावी, अशी मागणी करणारे निवेदन हिंदु जनजागृती समितीचे महाराष्ट्र प्रवक्ता श्री. अरविंद पानसरे यांनी पर्यावरण राज्यमंत्री आणि भाजपचे नेते श्री. प्रवीण पोटे-पाटील यांना दिले. त्यावर श्री. पोटे-पाटील यांनी ‘या प्रकरणी लक्ष घालून संबंधित सर्व अधिकार्‍यांवर कारवाई करण्यासाठी प्रयत्न करतो’, असे आश्‍वासन दिले. या वेळी श्री. पोटे-पाटील यांना ‘सनातन पंचांग २०१७’ भेट म्हणून देण्यात आले. या प्रसंगी समितीचे श्री. श्रीकांत पिसोळकर हेही उपस्थित होते.
 यांना सनातन पंचां...){kind=link}
Post a Comment