Saturday, April 8, 2017
महावीर जयंती निमित्त जिल्हयातील मांसविक्री व दारुविक्री बंद ठेवण्याची मागणी
Posted by vidarbha on 6:22:00 AM in जिल्हा प्रतिनिधि / महेन्द्र महाजन - | Comments : 0
जिल्हा प्रतिनिधि / महेन्द्र महाजन -
: जैन बांधवांचे श्रध्दास्थान असलेल्या श्री भगवान महावीर यांच्या जयंती निमित्त 9 व 10 एप्रिल रोजी जिल्हयातील सर्व कत्तलखाने, मांसविक्री व देशीविदेशी दारु विक्रीचे दुकाने बंद ठेवण्याची मागणी महावीर जन्मकल्याणक महोत्सव समिती व समस्त दिगंबर जैन समाजाच्या वतीने जिल्हाधिकारी, जिल्हा पोलीस अधिक्षक, दारु उत्पादन शुल्क अधिकारी व पोलीस स्टेशनला निवेदन देवून केली आहे.
या निवेदनात म्हटले आहे की, अखिल विश्वाला सत्य, अहिंसा, अपरिग्रहाचा संदेश देणारे जैन धर्मियांचे 24 वे तीर्थकर वर्तमान युग प्रवर्तक भगवान महावीर जन्मकल्याणक उत्सव रविवार, 9 एप्रिल व सोमवार 10 एप्रिल रोजी साजरा होत आहे. भारत हा सर्व धर्मियांचा देश असून भगवान राम, श्रीकृष्ण, भगवान बुध्द, महावीर, पैगंगर, गुरुनानक व महात्मा गांधी आदी महान थोर महापुरुषांची जन्मभूमी व कर्मभूमी आहे. या सर्व महान थोर पुरुषांनी पशुदयेयाच उपदेश दिला आहे. भगवान महावीरांनी जिओ और जिने दो हा प्रचार प्रसार केला आहे. व ह्या क्रुर हिंसेच्या काळात मानवाला हिंसाचारापासून परावृत्त केले आहे. आजही त्यांच्या शिकवणूकीची अंमलबजावणी होणे अत्यावश्यक आहे. तरी भगवान महावीर जयंती निमित्त जिल्हयातील, तालुक्यातील व शहरातील सर्व कत्तलखाने, मांसविक्री व दारुविक्रीची दुकाने वरील दोन दिवस बंद ठेवण्याची मागणी महावीर जन्मकल्याणक महोत्सव समिती व समस्त दिगंबर जैन समाजाच्या वतीने करण्यात आली आहे. जैन समाजाच्या भावना लक्षात घेता यासंदर्भातील कार्यवाहीचे ठोस आश्वासन अधिकार्यांनी यावेळी दिले.
Subscribe to:
Post Comments
(
Atom
)
Post a Comment