वाशिम : सामाजीक कार्यात अग्रेसर असलेल्या मारवाडी युवा मंचच्या वतीने शहरात ठिकठिकाणी पाणपोईचे उद्घाटन करण्यात आले. तापत्या उन्हातून वाटसरुंना यामुळे पाण्याची सुविधा उपलब्ध झाली असून स्व. अमित हेडा यांच्या स्मृतीप्रित्यर्थ पाणपोई सुरु करण्यात आली आहे. सोबतच युवा मंचच्या विविध सदस्यांनी ठिकठिकाणी पाणपोई लावली असून त्याचे रितसर मान्यवरांच्या हस्ते उद्घाटन झाले. मारवाडी युवा मंचचे अध्यक्ष मनिष मंत्री, प्रकल्प संयोजक आशिष लढ्ढा व सहसंयोजक प्रेमचंद अग्रवाल यांच्या मार्गदर्शनात हे अभियान शहरात प्रभावीपणे राबविण्यात येत आहे. पहिला टप्पा पुर्ण झाल्यानंतर महावीर जयंतीदिनी पशुंकरीता ठिकठिकाणी हौद लावून पाण्याची सुविधा उपलब्ध करण्यात येत आहे. त्यामध्ये अंकित वर्मा, लकी अग्रवाल, सचिन बज, प्रसाद अग्रवाल, सुमित चांडक, आशिष सोनीवाल, पवन डावर, पुनित शर्मा, मनिष मंत्री, संजोग छाबडा, सचिन करवा, चेतन शर्मा, पियुष अग्रवाल, विशाल चांडक यांच्या वतीने पशुंकरीता हौद लावून पाण्याची सुविधा उपलब्ध करुन देण्यात येत आहे. सदर उपक्रमाचे सर्वत्र कौतूक होत आहे
Post a Comment