अकोला - येथे हिंदु जनजागृती
समितीच्या वतीने श्री गणेशमूर्तींचे विसर्जन कृत्रिम हौदाऐवजी
धर्मशास्त्रानुसार वहात्या पाण्यात करावे, या संदर्भात भाजपचे आमदार श्री.
गोवर्धन शर्मा आणि महापौर सौ. उज्ज्वला देशमुख यांना निवेदन देण्यात आले.
निवेदन देतांना हिंदु जनजागृती समिती, रणरागिणी शाखा आणि हिंदु विधीज्ञ
परिषदेचे कार्यकर्ते, तसेच अन्य हिंदुत्वनिष्ठ उपस्थित होते.
आमदार शर्मा यांनी अकोला महानगराचे आयुक्त आणि महापौर यांना पत्र
लिहून या संदर्भात सूचना करण्याचे आश्वासन दिले. महापौर सौ. उज्ज्वला
देशमुख यांनी शहरात वाहन फिरवून हिंदु जनजागृती समितीने या संदर्भात सिद्ध
केलेल्या ध्वनीचित्र-चकतीचा प्रसार करणार असल्याचे, तसेच विसर्जनाच्या वेळी
मूर्तीचे विडंबन होऊ नये, यासाठी निरीक्षक कर्मचारी ठेवणार असल्याचे
सांगितले.
Post a Comment