सनातनला नाहक त्रास देणार्‍यांनी सनातनसमवेत हिंदुत्वनिष्ठ संघटना आहेत, हे विसरू नये ! - अधिवक्ता चेतन मणेरीकर, हिंदु विधीज्ञ परिषद

डावीकडून श्री. मनोज खाडये, अधिवक्ता श्री. शरदचंद्र मुंडरगी,
श्री. अभय वर्तक, अधिवक्ता श्री. चेतन मणेरीकर आणि श्री. व्यंकटेश शिंदे

        बेळगाव - डॉ. नरेंद्र दाभोलकर आणि कॉ. पानसरे यांच्या हत्येच्या संदर्भात महाराष्ट्रातील अन्वेषण यंत्रणा पुरोगामी अन् हिंदुद्रोही यांच्या दबावाखाली सनातन संस्थेच्या साधकांना अटक करून त्यांचा नाहक छळ करत आहेत. या हत्येशी सनातनचा कोणताही संबंध नसतांना आणि अन्वेषणातून काहीही निष्पन्न झालेले नसतांना समीर गायकवाड यांचा एक वर्षाहून अधिक काळ अन् डॉ. वीरेंद्र तावडे यांनाही अटक करून त्यांचा छळ केला जात आहे. कर्नाटक पोलिसांनी प्रा. कलबुर्गी यांच्या हत्येच्या सर्व शक्यतांचा सारासार विचार करून नि:पक्षपाती चौकशी करावी. केवळ दबावाखाली येऊन सनातनला नाहक त्रास देणार्‍यांनी सनातन संस्थेसमवेत समस्त हिंदुत्वनिष्ठ संघटना आहेत, हे विसरू नये, असे परखड प्रतिपादन हिंदु विधीज्ञ परिषदेचे अधिवक्ता श्री. चेतन मणेरीकर यांनी केले. ते येथील कन्नड साहित्य भवनात आयोजित केलेल्या पत्रकार परिषदेत बोलत होते. या वेळी सनातन संस्थेचे राष्ट्रीय प्रवक्ता श्री. अभय वर्तक, बेळगाव येथील आघाडीचे अधिवक्ता आणि भारतीय सेना दलातील निवृत्त कॅप्टन श्री. शरदचंद्र मुंडरगी, अभिनव हिंदु राष्ट्र संघटनेचे श्री. व्यंकटेश शिंदे आणि हिंदु जनजागृती समितीचे श्री. मनोज खाडये उपस्थित होते.

Share this: