स्थानिक न.प. जवळील महावीर भवन येथे आयोजीत प्रवचनात त्यांनी वरील मार्गदर्शन केले. यावेळी मुनीश्री शिवदत्त सागर महाराज, एलक सुदत्तसागर महाराज, क्ष्ाुल्लक तत्वसागर महाराज, चंद्रदत्तसागर महाराज हे मंचावर उपस्थित होते. उपाध्याय निर्भयसागरजी महाराज यांनी पुढे सांगीतले की, आज आम्ही वेळेला महत्व देत नाही. जन्म आणि मृत्यू जीवनात अटळ आहे. त्यामुळे मानवी जीवनाच्या कल्याणाकरीता आपण जास्तीत जास्त पुण्यकार्य करावे. संतांना भिंतीवर नव्हे तर आपल्या ह्दयात जतन करावे. व्देष, मोह, माया, क्रोध यांना जीवनात स्थान देवू नये. भविष्याची चिंता न करता वर्तमान जीवन जगा. जो वर्तमानात जगतो तो पुढे जावून वर्धमान बनतो. यावेळी मान्यवरांच्या उपस्थितीत निर्भयसागर पत्रिकेचे विमोचन करण्यात आले. यावेळी मंचावर रमेशचंद्र बज, विनोद गडेकर, माणिकचंद बज, जितेंद्र छाबडा, प्रमोद पाटणी, रवि बज, सचिन गोधा, प्रकाशचंद गोधा, प्रमोद पाटणी, प्रविण पाटणी, श्रीनिक भुरे व मान्यवरांची उपस्थिती होती. सकल जैन समाजाच्या वतीने उपाध्याय निर्भयसागरजी महाराज यांना वाशीम येथे चातुर्मास करण्याची विनंती करण्यात आली. प्रवचनाला मोठ्या संख्येने भाविक भक्तगण उपस्थित होते.
Post a Comment