पोलीस उपनिरीक्षक पूर्व परीक्षा वाशिम शहरातील राजस्थान महाविद्यालय, श्री शिवाजी हायस्कूल, राणी लक्ष्मीबाई कन्या शाळा, बाकलीवाल विद्यालय, एस. एम. सी. इंग्लिश स्कूल, शासकीय तंत्रनिकेतन व जवाहर नवोदय विद्यालय या सात परीक्षा केंद्रांवर होत आहे. या सर्व परीक्षा केंद्रानावर प्रतिबंधात्मक आदेश लागू करण्यात आल्यामुळे परीक्षा केंद्रांवर एकाचवेळी पाचपेक्षा जास्त व्यक्तींना परीक्षा केंद्रावर प्रवेश करता येणार नाही. परीक्षार्थी अथवा अन्य व्यक्तींकडून शांततेस बाधा निर्माण होईल, असे कृत्य करता येणार नाही. तसेच परीक्षा केंद्रांच्या १०० मीटर परिसरातील इंटरनेट, झेरॉक्स सेंटर, पानपट्टी सेंटर, टायपिंग सेंटर, एसटीडी बूथ, ध्वनिक्षेपक इत्यादी माध्यमे परीक्षा कालावधीत बंद राहतील. परीक्षा केंद्राचे परिसरात मोबाईल, सेल्युलर फोन, लॅपटॉप, फॅक्स, वायरलेस सेट, रेडीओ व इतर प्रसारमाध्यमे घेवून प्रवेश करण्यास मनाई आहे. परीक्षा केंद्रांवर कोणत्याही अनधिकृत व्यक्तीस, वाहनास प्रवेश दिला जाणार नाही, असे जिल्हाधिकारी कार्यालयामार्फत कळविण्यात आले आहे
Post a Comment